JI BO ZANYAR Û DOSTÊ HÊJA DAVID GRAEBER

JI BO ZANYAR Û DOSTÊ HÊJA DAVID GRAEBER

 “Bi nêrîna min di tevahiya cîhanê de antropologê herî baş di nava nifşê xwe de David Graeber e…” Maurice Bloch

Antropolog, zanyar, hişmend û xwediyê teoriyên fikrî yên azadîxwazê ku di qada zanist û felsefeyê de deng veda David Graeber koça dawî kir. Ji ber windakirina dost û zanyarekî hêja em xembar in.

Graeber xwedî felsefeyeke anarşîst bû û bi helwestên xwe yên demokratîk dihate nas kirin. Her weha piştgiriya tevgerên azadîxwaz di cîhanê de dikir. Bi taybetî jî bi piştgiriya xwe ya berdewam a Şoreşa gelê Bakur û Rojhilatê Sûriyê, xwedî helwesteke hêja bû.

Her wisa di warê perwerdehî û fêrkirinê de jî  ji bo pergaleke alternatîv dixebitî û em di vê mijarê de em hevnêrîn bûn. Nêzîkatiyên wî ji sîstema me ya perwerdehiyê re erênî bûn. Lewma di Nîsana 2018`ê de, hêja David Graeber bû mêvanê Zanîngeha Rojava û di komxebata bi navê `perwerde û zanîngeha azad  û demokratîk` de bi nêrînên xwe beşdar bû.

Graeber di civaka akademîk û di qada zanistê de li hember pergala kapîtalîst û desthilatdar, bi nêrîn û helwesta xwe xwedî têkoşîneke berbiçav û cihekî diyar bû.

Bi xemgînî me koça David Graeber bihîst, akademîsyen û dostekî rûmetdar me ji dest da. Em weke Desteya Rêveber a Zanîngeha Rojava sersaxiyê ji malbat, dost û hevalên wî û ji qada zanist û felsefeyê re dixwazin.

Desteya Rêveber a Zanîngeha Rojava

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *